*योजना, कार्यक्रम तथा अनुगमन शाखा
यस शाखाले निर्देशनालय स्तरमा बजेट तथा कार्यक्रम तर्जुमा गोष्ठि संचालन गरि ज्ञान केन्द्र स्तरिय वार्षिक कार्यक्रम तयार गर्ने गराउने, बार्षिक/चौमासिक/मासिक प्रगति प्रतिवेदन संकलन गरि कम्पायल गर्ने र रिपोटिंग गर्ने, प्रगति समिक्षा गोष्ठि, प्रदेश भित्र संचालन भएका कार्यक्रमहरु कार्यान्वयनको अनुगमन तथा मुल्यांकन गर्ने, कार्यक्रमहरुको रेकर्ड अद्यावधिक गर्ने, कार्यक्रमहरुको सुपरिवेक्षण तथा समन्वय गर्ने गर्दछ । साथै कृषि कार्यक्रम सञ्चालनका लागि आवश्यक कार्यविधिहरु तयार पार्ने कार्य गर्दछ ।
*कृषि यान्त्रीकरण शाखा
यस शाखाले यस प्रदेशमा संचालित विभिन्न कृषि प्रसार सम्बन्धी कामहरुको रेकर्ड राख्ने, तालिम सम्बन्धि कार्य संचालन गर्ने, अनुगमन, मुल्यांकन, सुपरिवेक्षण साथै यस शाखाले ज्ञान केन्द्रमा संचालित निर्माण, मर्मत आदि जस्ता कार्यहरुको लागत ईस्टमेट तयार गर्ने, निरिक्षण गर्ने र ज्ञान केन्द्रहरुलाई निर्माण कार्यमा आवश्यक पर्ने अन्य प्राविधिक सहयोग र विषयवस्तु सँग सम्बन्धित कार्यविधिहरु तयार पार्ने कार्यमा सहयोग गर्ने गर्दछ ।
*बाली संरक्षण तथा व्यवसायीक किट विकास शाखा
यस शाखाले प्रदेशमा संचालित विभिन्न कृषि कार्यक्रमहरुको समन्वयको साथै बालिनालीको स्थिति, रोग किराको अवस्था त्यसको विवरण तथा आकस्मिक बालि संरक्षण सेवा उपलब्ध गराउछ। यस शाखाले बाली संरक्षण संग सम्बन्धित कार्यालय, ल्याब र विभिन्न गैर सरकारी संस्थाहरुले संचालन गर्ने कार्यक्रमहरुको समन्वय समेत गर्ने गर्दछ । विषयवस्तु सँग सम्बन्धित विभिन्न कार्यविधिहरु तयार पार्ने कार्यमा सहयोग गर्ने गर्दछ ।
*कृषि सूचना तथा संचार शाखा
यस शाखाले रेडियो नेपाल, प्रदेश अन्तर्गतका जिल्लाहरुका एफ.एम. रेडियो, पत्रपत्रिका तथा विभिन्न संचार माध्यमहरु संगको समन्वयगरि साझेदारीमा कृषि कार्याक्रम संचालन गर्ने, कृषि संग सम्बन्धित प्रविधि एवं सूचनाहरु प्रसारण गर्ने गराउने, प्रसारण गरिएका सामग्रिहरुको अनुगमन गर्ने र कृषि संचार सम्बन्धि अन्य कामहरु गर्ने गर्दछ । विषयवस्तु सँग सम्बन्धित विभिन्न कार्यविधिहरु तयार पार्ने कार्यमा सहयोग गर्ने गर्दछ ।
*वागवानी विकास शाखा
यस शाखाले यस प्रदेशमा संचालित विभिन्न वागवानी सम्बन्धी कार्यक्रमहरुको रेकर्ड राख्ने, वागवानी सम्बन्धी तालिम/ कार्यक्रम संचालन गर्ने साथै ज्ञान केन्द्रमा संचालित फलफुल बगैँचा, तरकारीको नर्सरी, बगैँचा व्यवस्थापन तथा मौसमी तथा बेमौसमी तरकारी खेति प्रविधि कार्यमा आवश्यक पर्ने अन्य प्राविधिक सहयोग गर्ने तथा विषयवस्तु सँग सम्बन्धित विभिन्न कार्यविधिहरु तयार पार्ने कार्यमा सहयोग गर्ने गर्दछ ।
*बाली विकास तथा माटो व्यवस्थापन शाखा
यस शाखाले यस प्रदेशमा संचालित विभिन्न बालीनाली सम्बन्धी कार्यक्रमहरुको रेकर्ड राख्ने, बाली विकास सम्बन्धी तालिम/कार्यक्रम संचालन गर्ने, ज्ञान केन्द्रमा संचालित बालीनाली सम्बन्धी कार्यक्रमहरुको निरिक्षण गर्ने, माटो परीक्षण प्रयोगशालालाई आवश्यक प्राविधिक सहयोग तथा सल्लाह सुझाव दिने साथै बाली विकास सम्बन्धीका कार्यविधि तयार पार्ने कार्यमा सहयोग गर्दछ ।
*बजार विकास, आर्थिक विश्लेषण तथा तथ्यांक शाखा
यस शाखाले निर्देशनालय स्तरमा कृषि बजारको रेकर्ड तयार पार्ने, कृषि वस्तु खरिद विक्रीको साप्ताहिक, मासिक रुपमा विवरण लिई रेकर्ड अद्यावधिक गर्ने, खेती प्रविधिको लाभ लागत ईष्टिमेट गर्ने, कृषि उपजको मूल्य श्रृङ्खला अध्ययन गर्ने तथा कृषि बजार व्यवस्थापनमा सहयोग गर्दछ । साथै कार्यक्रमहरुको तथ्यांक अद्यावधिक गर्ने र कार्यविधिहरु तयार पार्ने कार्यमा सहयोग गर्ने गर्दछ ।
*पोष्टहार्भेष्ट व्यवस्थापन शाखा
यस शाखाले यस प्रदेशमा संचालित विभिन्न कृषि प्रसार सम्बन्धी कामहरुको रेकर्ड राख्ने, वागवानी तथा पोष्टहार्भेष्ट सम्बन्धी तालिम संचालन गर्ने साथै ज्ञान केन्द्रमा संचालित पोष्टहार्भेष्ट व्यवस्थापन सम्बन्धी कार्यहरुमा प्राविधिक सहयोग तथा निरीक्षण गर्ने र विषयवस्तु सँग सम्बन्धित विभिन्न कार्यविधिहरु तयार पार्ने कार्यमा सहयोग गर्ने गर्दछ ।
*प्रशासन शाखा
यस शाखाले निर्देशनालय तथा अन्तर्गतका कार्यालयका कर्मचारीहरुको रेकर्ड अद्यावधिक गर्ने, दैनिक प्रशासनिक, आर्थिक कार्य संचालन गर्ने, प्रशासनिक आर्थिक कार्यहरुमा जिल्लाहरुलाई आवश्यक नीति निर्देशन दिने र सहयोग गर्ने कार्य गर्दछ ।आर्थिक कार्य संचालन गरि रेकर्ड दुरुस्त राख्ने एवम् अन्तर्गतका कार्यालयहरुमा आर्थिक प्रशासन सम्बन्धि सहयोग, समन्वय निर्देशन दिने कार्य गर्दछ ।